Құрманғазы Сағырбайұлы – аты әлемге мәшһүр, ХІХ ғасырда өмір сүрген қазақ халқының күйші-композиторы. Домбыра аспабында небір шедеврлерді дүниеге әкеліп, бүгінгі күнге дейін 70-тен аса күйі жеткен бабамыздың рухына арнап Хассақ этно-фольклорлық ансамблінің “Құрманғазы” атты туындысын шығарып отыр. Күйлері бабамыздың өмір жолын суреттейтіндіктен, күй элементтерін қолдана отырып, Хассақ ансамблі осы туындыны жаңаша форматта шығаруды ұйғарды. Шығарма негізгі кейіпкердің өміріндегі бір кезеңін ғана алып, оның батырлығын, композиторлығын, стилін және ерік-жігері мен көрегендігін суреттейді.
